Акцыя "Канікулы без дыму і агню" працягваецца.
Лета для дзяцей - гэта перш за ўсё ўнікальная магчымасць правесці час з аднагодкамі ў летніх аздараўленчых лагерах. Там дзеці маюць магчымасць знайсці новых сяброў, павесяліцца на дыскатэцы, пазаймацца спартыўнымі гульнямі. Таксама гэта выдатны час для замацавання ведаў па правілах бяспекі з дапамогай вясёлых гульняў.
Работнікі Смалявіцкага РАНС разам з курсантамі ўніверсітэта грамадзянскай абароны МНС Беларусі і работнікамі ПАВЧ №2 г. Смалявічы ўжо не ў першы раз паўдзельнічалі ў арганізацыі спартыўна-забаўляльнай гульні "Заўсёды ўперад!" у дзіцячым аздараўленчым лагеры "Зубраня". Адкрыццё спаборніцтваў, якія традыцыйна праводзяцца кожную змену лагера, пачалося з "воднага салюту" з выкарыстаннем пажарнага аўтамабіля. Дзецям выдалася магчымасць паўдзельнічаць у розных забаўляльных конкурсах і гульнях з выкарыстаннем баявога адзення і адзінак пажарна-тэхнічнага ўзбраення. Ратавальнікі арганізавалі на станцыі такія этапы, як "Апрані пажарнага", "Віктарына АБЖ", "Эвакуацыя", "Конкурс капітанаў ратавальнікаў".
Дзеці не хацелі адпускаць сваіх гасцей і ратавальнікам давялося крыху затрымацца, падрабязна распавесці аб аварыйна-выратавальным абсталяванні, буднях ратавальнікаў-пажарных. А выхаванцы старэйшага ўзросту зацікавіліся як стаць пажарнікам, дзе неабходна вучыцца і якімі якасцямі валодаць.
Трэцяя змена аздараўленчых лагераў падыходзіць да канца. Але мерапрыемствы, накіраваныя на навучанне бяспечным паводзінам, не сканчаюцца. Гульня "Заўсёды ўперад" будзе праведзена і ў чацвёртай змене.
