Як паказвае практыка і статыстыка, з надыходам летніх канікул павялічваецца колькасць аварый удзельнікамі якіх становяцца непаўналетнія. У сувязі з чым, у летні перыяд асноўным напрамкам для супрацоўнікаў ДАІ становіцца праца па прафілактыцы дзіцячага дарожна-транспартнага траўматызму.
Так інспектар АДАІ Смалявіцкага РАУС Ірына Стральцова арганізавала і правяла прафілактычную акцыю ў ДАЛ "Іскра". Падчас мерапрыемства рабяты праходзілі розныя выпрабаванні на веданне правілаў дарожнага руху, дэманстравалі свае навыкі ў фігурным кіраванні ровараў, а таксама спрабавалі сябе ў ручным рэгуляванні. Самым яркім і захапляльным стаў творчы этап "Малюнак на асфальце".
- Як вядома, лепшы спосаб для дзяцей засвоіць новую інфармацыю - гэта гульня, - адзначыла Ірына Стральцова.
Напрыканцы сустрэчы ўсіх удзельнікаў чакалі прыемныя сюрпрызы і ўзнагароды. Ірына Стральцова ўручыла юным удзельнікам дарожнага руху карысныя падарункі, якія дапамогуць зрабіць падарожжа не толькі бяспечным, але і карысным.
