Па добрай традыцыі не пакідаюць у баку працу хлебаробаў прадстаўнікі кіраўніцтва раёна - штодня праходзяць ушанаванні перадавікоў уборачнай кампаніі 2020 года.
На мінулым тыдні старшыня раённага камітэта прафсаюза работнікаў АПК Вячаслаў Лапатка адправіліся ўшаноўваць «тысячнікаў», якія, як і належыць, працавалі на палях раёна.
- Сёлета ёсць што прыбіраць. Па ўсіх гаспадарках мы бачым добры вынік і нам ужо ёсць чым ганарыцца, – адзначыў Вячаслаў Лапатка. - Каб падтрымаць людзей і натхніць іх на новыя працоўныя здзяйсненні, прафсаюз і ўшаноўвае перадавікоў працы.
Гэтым разам віншавалі з заслужанымі тысячамі тон камбайнёра ААТ «Смалявічы - Сузон» Алега Гурыновіча, кіроўцаў РУП «Шыпяны-АСК» Васіля Таўкача і Юрыя Кудзінава, кіроўцу ААТ «Смалявічы Бройлер» Сяргея Быка, камбайнёраў ААТ «Азярыцкі-Агра» Мікалая Гомеза, Уладзіміра Юшкевіча і кіроўцы арганізацыі Уладзіміра Лагвіновіча, кіроўцу ГП «ЖодзінаАграПлемЭліта» Андрэя Мікуліча.
Лідзія СУДНІКОВІЧ.
Фота аўтара