Вядома, што ў фізічнай культуры маюцца вялікія магчымасці для выхавання патрыятызму, дружбы паміж народамі. Спартыўная дзейнасць развівае маральна-валявыя і фізічныя якасці, спрыяе выхаванню патрыятызму, фарміраванню патрыятычных пачуццяў у навучэнцаў. Удзельнічаючы ў спаборніцтвах і іншых спартыўна-масавых мерапрыемствах, навучэнцы імкнуцца праславіць сваю школу, клас, сваю Малую радзіму высокімі спартыўнымі дасягненнямі, што з'яўляецца адной з найважнейшых формаў праявы патрыятызму. Заняткі фізічнай культурай і спортам, спартыўныя спаборніцтвы аб'ядноўваюць і збліжаюць розныя народы, выхоўваюць любоў і адданасць да сваёй Радзімы і з'яўляюцца эфектыўнымі сродкамі маральнага і патрыятычнага выхавання.
Так у мэтах патрыятычнага выхавання навучэнцаў у мінулую суботу прайшло ваенна-патрыятычнае свята "Будзь гатовы да працы і абароны" паміж камандамі ДУА "Сярэдняй школы №1 ім. В. Ф. Купрэвіча Г. Смалявічы" і ДУА "Смалявіцкай раённай гімназіі", арганізатарамі якіх выступілі: кіраўнік па ваенна-патрыятычным выхаванні ДУА "Сярэдняя школа №1 ім. В. Ф. Купрэвіча г. Смалявічы" Дзянісаў Кірыл і настаўнік фізічнай культуры і здароўя ДУА "Смалявіцкая раённая гімназія" Зыль Юрый.
Будучыя прызыўнікі спаборнічалі ў пяці Спартыўна-прыкладных відах спаборніцтваў, а дзяўчынкі актыўна падтрымлівалі юнакоў на ўсіх конкурсах.
У заключэнні патрыятычнага свята дзяўчынкі таксама прынялі ўдзел і спаборнічалі паміж сабой у стральбе з пнеўматычнай вінтоўкі.
Свята атрымалася захапляльным, пакінуў масу станоўчых эмоцый і ўражанняў, а таксама дапамог дзецям падняць іх спаборніцкі дух.
Крыніца: Край Смалявiцкi
