Аддзел занятасці і працоўных адносін упраўлення па працы, занятасці і сацыяльнай абароне Смалявіцкага райвыканкама запрашае беспрацоўных грамадзян, якія жадаюць адкрыць уласную справу, для праходжання навучання па прафесіі «прадпрымальніцкая дзейнасць» за кошт сродкаў службы занятасці. Арыенціровачны тэрмін навучання-два тыдні, навучанне праходзіць штомесяц.
Па заканчэнні курсаў беспрацоўныя могуць звярнуцца ў аддзел занятасці і працоўных адносін за вылучэннем субсідыі. Субсідыя прадастаўляецца ў памеры 11-кратнай (або 15-кратнай) велічыні бюджэту пражытачнага мінімуму ў сярэднім на душу насельніцтва
і выкарыстоўваецца беспрацоўным на набыццё абсталявання, інструментаў, машын і механізмаў, сыравіны, матэрыялаў, аплату паслуг, звязаных з арганізацыяй прадпрымальніцкай дзейнасці.
Больш падрабязную інфармацыю можна атрымаць у аддзеле занятасці і працоўных адносін упраўлення па працы, занятасці і сацыяльнай абароне Смалявіцкага райвыканкама (г. Смалявічы, вул. Першамайская, д. 1а, каб.29, каб.21, тэл. 80177629375, 29185).
