За мінулыя выхадныя выратавальнікам Смалявіцкага РАНС 22 разы паступалі паведамленні аб надзвычайных сітуацыях, з іх 12 па факце загарання сухой расліннасці, 5 - па загаранні смецця, 2 выпадкі паведамлення па факце кантраляванага гарэння і 1 ілжывы выклік. Усяго за выхадныя выгарэла сухой расліннасці на агульнай плошчы 2,6 га.

Таксама былі зафіксаваны пажары і ў жылых дамах і гаспадарчых пабудовах:

29 сакавіка ў 00.36 паступіла паведамленне аб загаранні жылога дома ў в.Заказінец Пекалінскага сельсавета. На момант прыбыцця першых падраздзяленняў жылы дом гарэў адкрытым полымем, дах часткова абрынуўся. Падчас правядзення разведкі работнікамі МНС быў выратаваны гаспадар дома, 1947 г. н., які знаходзіўся ў стане алкагольнага ап'янення, у шпіталізацыі не меў патрэбы. Пажар быў ліквідаваны, суседнія будынкі не пацярпелі. Разгляданая версія загарання – парушэнне правілаў устройства і эксплуатацыі пячнога ацяплення.

29 сакавіка ў 16.45 паступіла паведамленне аб загаранні гаспадарчыя пабудовы ў в. Старая Дуброва Курганскага сельсавета. Па прыбыцці падраздзяленняў МНС устаноўлена, што дадзеная пабудова гарыць адкрытым полымем, ёсць пагроза распаўсюджвання агню па сухой расліннасці на жылы дом і яшчэ адну гаспадарчую пабудову, якія знаходзяцца на тэрыторыі ўчастка. Падраздзяленнямі МНС пажар быў ліквідаваны, суседнія будынкі не пацярпелі. Уладальнік участка ў жылым доме не пражывае. Разгляданая версія ўзнікнення пажару - неасцярожнае абыходжанне з агнём неўстаноўленай асобы.

МНС нагадвае:

• выпальванне сухой расліннасці строга забаронена, за дадзенае правапарушэнне прадугледжана адміністрацыйная адказнасць у выглядзе штрафу ад 10 да 40 б.в.;
• спальванне смецця дапускаецца толькі на прысядзібных участках пры наяўнасці першасных сродкаў пажаратушэння і пастаянным кантролі;
• у выпадку ўзнікнення пажару неадкладна паведаміць выратавальнікам па тэлефоне 101 або 112.