Маштабны рамонт напярэдадні ІІ Еўрапейскіх гульняў правядуць на трасе М1, прывядуць у парадак і іншыя магістральныя дарогі, паведаміў сёння журналістам начальнік галоўнага ўпраўлення аўтамабільных дарог Міністэрства транспарту і камунікацый Беларусі Аляксандр Галаўнёў, перадае карэспандэнт БЕЛТА.
"Распрацаваны планы рамонту асноўных магістралей, якія будуць прымаць гасцей. На сённяшні дзень прынята рашэнне і знаходзіцца ў заключнай стадыі разгляду распараджэнне Прэзідэнта аб выдзяленні $25 млн на рамонт дарог, у першую чаргу магістральных", - адзначыў Аляксандр Галаўнёў.
Асобая ўвага будзе нададзена трасе М1, якая пасля зімы знаходзіцца ў нездавальняючым стане, выклікае нараканні аўтамабілістаў. "На ёй будзе праведзена маштабная работа па замене пакрыцця. Да гульняў яна будзе ў стане, за які не будзе сорамна", - дадаў прадстаўнік Мінтранса.
Прывядуць у парадак і іншыя дарогі (М4, М5, М6), выезды з Мінска. "Усе работы маем намер завяршыць да 1 чэрвеня", - адзначыў Аляксандр Галаўнёў.
