26 красавіка Дзяржаўтаінспекцыя правядзе адзіны дзень бяспекі дарожнага руху пад дэвізам "колаў менш-небяспекі больш!", прысвечаны прафілактыцы дарожных здарэнняў з удзелам матацыклістаў, веласіпедыстаў, скутэрыстаў: з прыходам вясны і першага цяпла яны даволі масава запаўняюць дарогі гарадоў і вёсак. Жаданне хуткасці, недастатковыя навыкі ваджэння, нізкі ўзровень дысцыплінаванасці матацыклістаў, няспраўны стан часцяком прыводзяць да бяды. Дзяржаўтаінспекцыя нагадвае:
- удзельнічаць у дарожным руху на матацыкле дазваляецца з 16-гадовага ўзросту пры наяўнасці пасведчання кіроўцы катэгорыі «А».
За кіраванне матацыклам, не маючы права кіравання, прадугледжаны штраф у памеры ад 5 да 20 базавых велічынь.
- матацыкл павінен быць зарэгістраваны ў Дзяржаўтаінспекцыі, тэхнічна спраўны. За кіраванне матацыклам, не зарэгістраваным ва ўстаноўленым парадку і які не прайшоў дзяржаўнага тэхнічнага агляду, прадугледжаны штраф у памеры да 2 базавых велічынь.
- кіраваць матацыклам неабходна ў зашпіленым моташлеме і не перавозіць пасажыраў без яго, рухацца з пастаянна уключаным блізкім святлом фар. За кіраванне матацыклам альбо перавозку пасажыраў без моташлемаў або з не зашпіленымі моташлемамі прадугледжаны штраф да 1 базавай велічыні.
- пажадана мець спецыяльную экіпіроўку, якая дазваляе пазбегнуць цялесных пашкоджанняў пры падзенні з матацыкла.
ДАІ заклікае вадзіцеляў да няўхільнага выканання Правілаў дарожнага руху: абавязковага выкарыстання моташлемаў, рэгістрацыі матацыклаў ва ўстаноўленым парадку і праходжання імі дзяржаўнага тэхнічнага агляду. Недапушчальна кіраваць матацыклам, не маючы вадзіцельскага пасведчання катэгорыі «А».
АДАІ Смалявіцкага РАУС