28 чэрвеня 2019 года працаўнікі сацыяльнай абароны Смалявіцкага раёна прынялі ўдзел у велапрабегу, прысвечаным Вялікай перамозе і 75-й гадавіне з дня вызвалення Беларусі ад нямецка-фашысцкіх захопнікаў.
У гэты дзень удзельнікі велапрабегу наведалі пас. Кастрычніцкі Смалявіцкага раёна, каб ушанаваць памяць удзельнікаў Вялікай Айчыннай вайны і мірных жыхароў, якія загінулі ў гады вайны. Ля помніка адбыўся мітынг-рэквіем, а таксама былі ўскладзены кветкі і ўшанаваны хвілінай маўчання пахаваныя.
Словамі падзякі ад удзельнікаў велапрабегу і віншаваннямі з уручэннем кветак і памятнага падарунка, не пакінута без увагі ветэран Вялікай Айчыннай вайны Елькіна Любоў Антонаўна, якая пражывае ў пас. Кастрычніцкім.
У такія моманты вельмі складана стрымаць слёзы, а ў думках былі толькі словы падзякі ўсім тым, хто падарыў нам светлае і мірнае неба над галавой. Ніякія словы не змогуць перадаць тых пачуццяў і эмоцый, якія перапаўнялі ў гэты момант. Бо кожны з удзельнікаў велапрабегу ў гэты дзень здзейсніў свой маленькі подзвіг у імя тых, хто не шкадуючы жыцця, доўгіх чатырох гадоў ішоў да Вялікай Перамогі.
