Урад Беларусі зацвердзіў палажэнне аб узаемадзеянні дзяржорганаў і іншых арганізацый пры падрыхтоўцы дакументаў для забеспячэння вывазу нафтапрадуктаў з Расійскай Федэрацыі. Гэта прадугледжана пастановай Савета Міністраў ад 18 ліпеня 2019 года нумар 471, якая сёння афіцыйна апублікавана на Нацыянальным прававым інтэрнэт-партале, паведамляе карэспандэнт БЕЛТА.
Палажэнне ў адпаведнасці з міжурадавым пагадненнем Беларусі і РФ аб мерах па ўрэгуляванні гандлёва-эканамічнага супрацоўніцтва ў галіне экспарту нафты і нафтапрадуктаў вызначае парадак узаемадзеяння дзяржаўных органаў і іншых арганізацый пры падрыхтоўцы індыкатыўных балансаў здабычы, спажывання, пастаўкі, імпарту і экспарту нафтапрадуктаў, пратакола ўзгаднення вывазу тавараў з РФ у Беларусь. Прапісана таксама ўзаемадзеянне пры падрыхтоўцы спіса суб'ектаў прадпрымальніцкай дзейнасці - атрымальнікаў гэтых тавараў у Беларусі.
У прыватнасці, суб'ектам гаспадарання заяўкі аб патрэбнасці ў расійскіх нафтапрадуктах неабходна прадстаўляць па ўстаноўленай урадам форме.
Пастанова ўступае ў сілу пасля яе афіцыйнага апублікавання і дзейнічае да 31 снежня 2024 года.
