26 ліпеня ў Будагаўскам доме культуры прайшоў сельскі сход грамадзян. Мерапрыемства праводзілася з удзелам работнікаў МНС і работнікаў тэрытарыяльнага цэнтра сацыяльнага абслугоўвання Смалявіцкага раёна.
У ходзе мерапрыемства ратавальнікі азнаёмілі грамадзян з аператыўнай абстаноўкай па пажарам у Смалявіцкім раёне. Разгледжаны найбольш часта сустракаемыя прычыны пажараў і іх наступствы. Былі прыведзены канкрэтныя прыклады трагічных выпадкаў гібелі і траўматызму ў Смалявіцкім раёне і Мінскай вобласці.
Работнікі МНС распавялі пра самыя актуальныя праблемы: былі асветлены пытанні неасцярожнага абыходжання з агнём, у тым ліку ў стане алкагольнага ап'янення; парушэнні правілаў эксплуатацыі пячнога абсталявання, электрасетак і электрапрыбораў; парушэнне правілаў захоўвання лёгкаўзгаральных вадкасцяў.
Інспектары не пакінулі па-за ўвагай такую важную тэму, як недапушчэнне пакідання дзяцей без нагляду, праблемы дзіцячай гібелі і траўматызму. Гэтак жа грамадзяне з задавальненнем паслухалі правілы ўстаноўкі і эксплуатацыі аўтаномных пажарных апавяшчальнікаў.
Пасля завяршэння выступлення ратавальнікі адказалі на пытанні грамадзян і раздалі маляўнічыя памяткі і буклеты для замацавання атрыманых ведаў правілаў бяспекі.
