З 27 лістапада па 4 снежня бягучага года ДАІ Мінскай вобласці праводзіць рэспубліканскую прафілактычную акцыю "Лепшы цюнінг для машын - устаноўка зімовых шын!", а таксама адзіны Дзень бяспекі дарожнага руху, які пройдзе 29 лістапада пад такой жа назвай.
Мэта акцыі - прафілактыка і папярэджанне ДТЗ у зімовых умовах, падрыхтоўка аўто да эксплуатацыі ў зімовых умовах і прапаганда выкарыстання зімовых шын.
У рамках гэтых мерапрыемстваў супрацоўнікі Дзяржаўтаінспекцыі сумесна з іншымі зацікаўленымі арганізацыямі правядуць тлумачальную працу ў працоўных калектывах. Дзе раскажуць аб асноўных рызыках і пагрозах бяспекі з улікам сезоннага фактару, правілах бяспечнага ўдзелу ў дарожным руху ў зімовых умовах, неабходнасці выкарыстання зімовых шын, а таксама давядуць адміністрацыйную адказнасць за парушэнне пункта 207-1 ПДР.
Дарэчы, за перыяд з 1 снежня 2018 года па 1 сакавіка 2019 года было выяўлена 1092 парушэнні.
Даведка
Пункт 207-1 ПДР - пры ўдзеле ў дарожным руху з 1 снежня па 1 сакавіка аўтамабілі з тэхнічна дапушчальнай агульнай масай да 3,5 т. уключна, легкавыя і грузапасажырскія аўтамабілі з тэхнічна дапушчальнай агульнай масай звыш 3,5 т., а таксама аўтобусы з тэхнічна дапушчальнай агульнай масай да 5 т. павінны быць абсталяваны зімовымі шынамі. Зімовыя шыны ўстанаўліваюцца на ўсіх колах транспартнага сродку і павінны мець рэшткавую вышыню малюнка пратэктара не менш 4 мм.
