У рэгіёнах Мінскай вобласці набірае абароты конкурс прыгажосці "Міс Беларусь-2020". Адборы прэтэндэнтак прадоўжацца да канца снежня, а ў траўні 2020 года ў Мінску адбудзецца фінал нацыянальнага конкурсу.
За тытул галоўнай прыгажуні краіны могуць змагацца дзяўчаты не ніжэй за 174 см ад 18 да 24 гадоў, грамадзянкі Беларусі, якія пастаянна пражываюць на яе тэрыторыі, якія не маюць на целе татуіровак і пірсінгу, якія ніколі не знаходзіліся ў шлюбе, якія не маюць дзяцей.
Ужо адбыўся адборачны тур "Міс Мар'іна Горка". Шэсць дзяўчат змагаліся за тытул галоўнай прыгажуні. Гэта Марына Рыжова, Анастасія Цярэшчанка, Паліна Ванкевіч, Валерыя Камлюк, Юлія Пуціцкая і Віялета Герасімчук.
Дэфіле, конкурс талентаў - канкурсанткі прыемна здзівілі журы і парадавалі гледачоў. Без дыпломаў і перамог у розных намінацыях не застаўся ніхто.
Галоўную карону конкурсу атрымала Віялета Герасімчук.
- Я люблю сцэну, а сцэна любіць мяне. Я ўпэўнена ў сабе. Я ўсё бяру харызмай. Я - пераможца!!! А калі не я, то-хто? - распавяла ў інтэрв'ю перад фіналам Віялета.
Гэтая перамога адкрыла перад Віялетай дарогу на конкурс "Міс Беларусь-2020". Разам з Віялетай на галоўны конкурс прыгажосці краіны адправяцца таксама Марына Рыжова, Анастасія Цярэшчанка і Юлія Пуціцкая.
У Барысаве за тытул прыгажуні змагаліся 13 дзяўчат. Конкурс доўжыўся на працягу трох гадзін. За гэты час дзяўчаты змянілі пяць вобразаў, а ў перапынках паміж дэфіле было арганізавана 29 нумароў творчых калектываў і выканаўцаў раёна. І балельшчыкаў сабралася не мала.
- Галоўную міс я заўважыла адразу. Яе козыр і адметная асаблівасць - абаяльная ўсмешка на працягу ўсіх конкурсных этапаў. Ну і, безумоўна, выдатныя фізічныя дадзеныя, – расказала член журы Ала Рудкоўская. - Конкурс стаў сапраўдным святам для горада. Прыгожых дзяўчат у Беларусі шмат, але з харызмай, характарам яшчэ трэба пашукаць. Арганізатарам конкурсу, Палаца культуры Барысава, гэта ўдалося.
Звання "Міс грацыя" была ўдастоена Дар'я Белагурава, "Міс зачараванне" - Анастасія Граншчыкава, другой віцэ–міс стала Валерыя Дубіцкая, першай - Кацярына Нагаева. Галоўны тытул і званне "Міс Барысаў — 2019" атрымала Таццяна Сялецкая.
Дзяўчына - студэнтка індустрыяльна-педагагічнага каледжа Мінска, будучы настаўнік чарчэння і працы. Таццяна захапляецца дэфіле, моднымі шоу. У 2018 годзе знялася ў серыяле "Заступнікі" у ролі дэманстратара адзення.
