Сёлета на тэрыторыі Кітайска-Беларускага індустрыяльнага парка "Вялікі камень" у Смалявіцкім раёне пачнецца будаўніцтва чыгуначнага тэрмінала.
Ён стане часткай існуючага лагістычнага хаба і будзе задзейнічаны для транспарціроўкі буйнагабарытных грузаў. Плануецца, што ў 2022 новая чыгунка звяжа Мінск і аэрапорт.
Паводле інфармацыі прэс-сакратара адміністрацыі парку Вольгі Рудой, будаўніцтва жалезнай дарогі звяжа парк, ж/д вакзал у Мінску і аэрапорт. Дарога зойме ўсяго паўгадзіны, таксама паралельна развіваюць усю інфраструктуру ў парку.
Нагадаем, на сённяшні дзень у індустрыяльным парку зарэгістравана каля 60 рэзідэнтаў - кампаніі з Беларусі, Расіі, Кітая і Заходняй Еўропы.
