Як паказвае пажарная статыстыка, парушэнне правілаў бяспекі пры эксплуатацыі пячнога ацяплення ўваходзіць у "ТОП" асноўных прычын узнікнення пажараў у прыватных домаўладаннях.

З печчу, як і з усімі складанымі і важнымі рэчамі, трэба ўмець звяртацца. Абыякавасць пры ўсталёўцы і выкарыстанні ачага можа прывесці да самых сумных наступстваў. Дарагі рамонт і нават страта дома, апёкі і траўмы, чалавечыя трагедыі нярэдка фігуруюць у адным абзацы з цёплым словам "печ" у зводках ратавальнікаў. Наступныя некалькі абзацаў - толькі самая карысная інфармацыя для тых, хто шануе сваё здароўе і жыцця сваіх блізкіх.

Нават калі на вуліцы вельмі вялікі мароз, трэба даваць печцы "перадыхнуць". Тапіць 2-3 разы ў дзень, не больш за паўтары гадзіны – гэта дазволіць пазбегнуць перекала печы.

01.12.2019 у в. Сялец Лагойскага раёна адбыўся пажар жылога дома, у выніку якога загінулі маладыя людзі, якія там адпачывалі - двое мужчын (21 і 24 гады) і адна 18-гадовая дзяўчына. Яшчэ адной 18-гадовай дзяўчыне ўдалося выратавацца. Прычына пажару - парушэнне правілаў пажарнай бяспекі пры эксплуатацыі пячнога ацяплення. Жылы дом доўгі час не эксплуатаваўся і не тапіўся, верагодная версія ўзнікнення пажару - перакал печы.

Печ трэба рэгулярна абслугоўваць. Пабяліць яе вапнавым растворам. Гэта робіцца не толькі для прыгажосці і эстэтыкі. Дзякуючы такому метаду можна своечасова заўважыць расколіны, якія з'яўляюцца з часам. Дымаход трэба прачышчаць ад сажы не менш аднаго разу ў 2 месяцы.

Абавязковым элементам, калі ваш пол выкананы з гаручых матэрыялаў, з'яўляецца прытопачны ліст. Ён дапаможа не падпаліць ваш дом, калі, напрыклад, выпадкова выпадуць вуглі. Металічная падстава павінна быць памерам не менш за 50х70 см.

Пры падпалцы карыстайцеся толькі "натуральнымі" матэрыяламі. Выкарыстоўваючы лёгкаўзгаральныя і гаручыя вадкасці, вы рызыкуеце зладзіць пажар у сваім домаўладанні.

Прадметы хатняга ўжытку размяшчайце далей ад ацяпляльнага прыбора - мэбля павінна знаходзіцца на адлегласці 1,5 метраў, як і іншыя гаручыя матэрыялы.

02.02.2019 у в. Пацічава Курганскага сельсавета Смалявіцкага раёна адбыўся пажар жылога дома, у выніку якога загінула гаспадыня дома 1942 года нараджэння, грамадзянка, якая пражывала адзінока. Прычына пажару - парушэнне правілаў пажарнай бяспекі пры эксплуатацыі пячнога ацяплення. Паблізу топачнай адтуліны печы знаходзіліся прадметы хатняга ўжытку - фіранкі, якія і загарэліся.

Печ, якая топіцца, ні ў якім разе нельга пакідаць без нагляду, таксама як і іншыя ацяпляльныя прыборы - абагравальнікі, радыятары і т.п. Сачыце за топачнымі дзверцамі – яны павінны быць зачынены.

Выконвайце гэтыя правілы, і няхай Ваш дом будзе цёплым і бяспечным.

Пры надзвычайнай сітуацыі тэлефануйце 101 ці 112.