12 чэрвеня ў Кітайска-Беларускім індустрыяльным парку "Вялікі камень", які размешчаны ў Смалявіцкім раёне, зарэгістраваны новы рэзідэнт, паведамілі ў прэс-службе парку.
Праект літоўска-беларускай кампаніі "ЕСС-Груп" звязаны з вытворчасцю электрасамакатаў і станцый зарадкі для іх. Электрасамакаты будуць адрознівацца павялічаным у параўнанні з існуючымі аналагамі запасам ходу - да 100 км. Акрамя выпуску прадукцыі, рэзідэнт парку створыць праграмнае забеспячэнне і сістэмы кіравання для шэрынга электрасамакатаў.
Адзначым, "ЕСС-груп" з'яўляецца адным з першых прадпрыемстваў, якія спецыялізуюцца на вытворчасці малых транспартных сродкаў на электрычнай цязе ў Беларусі.