Шахматная школа ў пасёлку Зялёны Бор заўсёды была на высокім узроўні. Нашы землякі: Антон Антонавіч Ксеневіч, Леў Алегавіч Лагашкін, Міхаіл Міхайлавіч Мароз неаднаразова з поспехам выступалі на раённых і абласных спаборніцтвах па шахматах. Вось і сягоння, напярэдадні Міжнароднага дня шахмат, які прайшоў 20 ліпеня 2020 г., Зеленаборскі сельскі Дом культуры сабраў аматараў шахмат і шашак на традыцыйны турнір "Чорныя і белыя". Ва ўзроставай катэгорыі да 14 гадоў дзіўнае майстэрства ў гульні ў шахматы паказала дзўчынка, якая прыехала з Санкт-Пецярбурга на лета на радзіму бацькоў 6-гадовая Эвеліна Зайцава. Пераможцам у гэтай узроставай групе стаў Андрэй Глушынскі. У катэгорыі 14+ не было канкурэнтаў у Міхаіла Мароза. А вось сярод шашыстаў разгарнулася неабыякая барацьба. Высокі клас гульні паказалі Сяргей Зубкоў і Рыгор Чарняк. Кампанія "Анега" паклапацілася аб смачных падарунках для ўдзельнікаў турніру, а пераможцы былі ўзнагароджаны граматамі.