Развіваецца на Міншчыне і арганічнае земляробства: вытворцы імкнуцца выпускаць экапрадукцыю, паведамляе Беларусь 1.
Напрыклад, у сямейнай гаспадарцы ў Валожынскім раёне вырошчваюць больш за сотню гатункаў гародніны і зеляніны. Толькі капусты пяць відаў: белакачанная, пекінская, брокалі, з больш экзатычных - кальрабі і кейл. У асартыменце таксама рукала, шпінат, сельдэрэй, кінза, агуркі, таматы. Усе прадукты - экалагічна чыстыя.
Па экапрынцыпе тут уладкаваны ўсе працэсы - ад куплі насення да апрацоўкі глебы. У дадатак аграэнтузіясты вядуць палявы дзённік - там фіксуюць усю працу на зямельным участку.
