У бягучым годзе ў Мінскай вобласці дзверы для навучэнцаў і выхаванцаў адкрыюць 12 новых устаноў дашкольнай і сярэдняй адукацыі, паведамілі ў праграме "Міншчына" на СТВ.
Ужо ўведзены ў эксплуатацыю чатыры дзіцячых садка ў Мінскім раёне. Яшчэ сем пабудуюць у вобласці да канца года.
Вялікая ўвага і добраўпарадкаванню існуючых школ і дзіцячых садоў. У рамках падрыхтоўкі да новага навучальнага года рамонтныя работы праведзены ў больш чым 400 установах. Каб падвозіць дзяцей да месца вучобы, закуплена 40 школьных аўтобусаў.