Амаль 50 тысяч школьнікаў малодшых і старэйшых класаў Мінска і Мінскай вобласці гэтым летам аздаравіліся ў дзіцячых лагерах, паведамляе Беларусь 1.
З-за эпідсітуацыі першыя лагерныя змены ў гэтым годзе пачалі працу пазней на два тыдні. На ўсіх аб'ектах выконваліся абавязковыя санітарныя патрабаванні, дзеці шмат часу праводзілі на свежым паветры, працавалі тэматычныя гурткі, праводзіліся віртуальныя экскурсіі. А ў гэтыя дні завяршаецца апошняя летняя змена.
Усяго ў нашай краіне ў гэтым сезоне функцыянавалі больш за 300 кругласутачных і дзённых лагераў. У кастрычніку пройдзе традыцыйны конкурс, у якім выберуць лепшую дзіцячую аздараўленчую ўстанову Беларусі.
