Намінальная налічаная сярэдняя заработная плата работнікаў у Беларусі ў ліпені склала Br1287,5, паведамляе Белта са спасылкай на Нацыянальны статыстычны камітэт.
У чэрвені гэтага года было Br1248, 9, у траўні - Br 1227,9.
У разрэзе рэгіёнаў традыцыйна лідзіруе сталіца: сярэдні заробак мінчан у ліпені дасягнуў Br1776, 6 (тэмп росту да ліпеня мінулага года - 107,8%). У Мiнскай вобласці сярэдні заробак склаў Br1320,9 (106,7%), Гомельскай - Br1149,8 (109,1%), Брэсцкай - Br1114,5 (108,6%), Віцебскай - Br1083,6 (108,3%), Гродзенскай - Br1112 (108,1%), Магілёўскай - Br1057,2 (107,9%).
У цэлым па рэспубліцы рэальная заработная плата (разлічаная з улікам росту спажывецкіх цэн на тавары і паслугі) у студзені - ліпені ў параўнанні з адпаведным перыядам 2019 года ўзрасла на 8,2%.
