Жніво 2020 года ў Смалявіцкім раёне выявіла рэкорд - намалот і адвозка збожжа з палёў больш за чатыры тысячы тон!
Такога высокага выніку дабіліся аграрыі філіяла "Смалявічы Дэйрыз" ААТ "Смалявічы Бройлер" – камбайнер Аляксандр Саратаў і кіроўца Васіль Пыжык.
Па добрай традыцыі прама ў полі іх віншавалі намеснік дырэктара філіяла "Смалявічы Дэйрыз" ААТ "Смалявічы Бройлер" Міхаіл Сімановіч і старшыня райкама прафсаюза АПК Вячаслаў Лапатка. Лідарам жніва ўручылі граматы і ўзнагародзілі грашовымі прэміямі.
Аграрыі ААТ "Смалявічы Бройлер" з'яўляліся лідарамі ўборачнай кампаніі гэтага года і ставілі высокую планку калегам. Але чатыры тысячы тон - гэта не проста лічба, гэта вынік карпатлівай працы кожнага хлебароба, гэта прафесіяналізм, гэта адданасць справе і важкі ўклад у агульны каравай!
Аляксандр Саратаў і Васіль Пыжык не хаваюць радасных усмешак, але, кажуць, што і расслабляцца яшчэ рана. Пасля невялікага перапынку яны адправіліся ў поле - бабовыя чакаць не будуць.
З не менш важным вынікам - адвозкай больш за дзве тысячы тон збожжа з палёў павіншавалі кіроўца Сяргея Доева.
Лідзія СУДНІКОВІЧ.
Фота аўтара.
