Раённыя спаборніцтвы па футболе сярод дзяцей і падлеткаў "Скураны мяч" па прызы Прэзідэнцкага спартыўнага клуба стартуюць 15 верасня ў Вілейцы, піша газета "Шлях перамогі".
На працягу трох дзён на гарадскім стадыёне будуць праходзіць сустрэчы ў трох узроставых групах:
- старэйшая (хлопчыкі 2006-2007 г. н.). Спаборніцтвы пройдуць 15 верасня;
- сярэдняя (хлопчыкі 2008-2009 г. н.) - 17 верасня;
- малодшая (хлопчыкі 2010-2011 г. н.) - 22 верасня.
6-9 кастрычніка ў Смалявічах, Нясвіжы, Мар'інай Горцы, Лагойску, Любане адбудуцца занальныя спаборніцтвы сярод дзяцей і падлеткаў па футболе "Скураны мяч" на прызы Прэзідэнцкага спартыўнага клуба. Таксама занальныя спаборніцтвы пройдуць і ў Вілейцы, дзе рабяты з Маладзечанскага, Мядзельскага, Валожынскага і Вілейскага раёнаў пазмагаюцца за выхад у фінал.
А фінальны турнір з удзелам лепшых каманд адбудзецца ў снежні ў мінскім футбольным манежы.