СЗАТ "Кампанія па развіцці індустрыяльнага парку" і Нацыянальная акадэмія навук Беларусі правялі онлайн-цырымонію падпісання мемарандума аб навукова-тэхнічным супрацоўніцтве, паведамілі БЕЛТА ў прэс-службе Кітайска-беларускага індустрыяльнага парку "Вялікі камень".
Згодна з мемарандумам, бакі будуць супрацоўнічаць у такіх галінах, як стварэнне сумесных лабараторый, камерцыялізацыя навукова-тэхналагічных дасягненняў, акадэмічныя абмены і конкурсы інавацыйных праектаў, а таксама садзейнічаць навукова-тэхналагічным абмене і сумесна прасоўваць рэалізацыю навукова-тэхнічных праектаў Кітая і Беларусі ў "Вялікім камені".
Кітайска-беларускі індустрыяльны парк "Вялікі камень" - асаблівая эканамічная зона з адмысловым прававым рэжымам, размешчаная ў 25 км ад Мінска. Прыярытэтныя для парку напрамкі - машынабудаванне, электроніка і тэлекамунікацыі, біятэхналогіі, фармацэўтыка, новыя матэрыялы, лагістыка, электронная камерцыя, захоўванне і апрацоўка вялікіх аб'ёмаў дадзеных.
