У Капыльскім раёне на працягу двух дзён правялі спартакіяду сярод працаўнікоў абласнога і раённых камітэтаў прафсаюза работнікаў АПК.
Спаборніцтвы адбыліся ў фізкультурна-аздараўленчым цэнтры і СШ № 2 райцэнтра. На лыжных дыстанцыях у 400 і 700 метраў перамаглі Уладзімір Саланенка з Маладзечна ў мужчын, і гаспадыня трасы Ірына Сцяпура ў жаночым заліку. У спаборніцтвах па дартсу наймацнейшым стаў намеснік старшыні абкама Пётр Окунеў. Таксама спаборнічалі ў плаванні (заплыў на 25 метраў), шашках, мяшаным турніры па валейболе.