У Мінску ўстаноўлены новыя стаўкі падатку за валоданне сабакамі. Адпаведнае рашэнне Мінскага гарадскога Савета дэпутатаў ад 20 сакавіка 2019 года нумар 117 апублікавана сёння на Нацыянальным прававым інтэрнэт-партале, паведамляе БЕЛТА.
Дакумент уносіць змяненні ў рашэнне Мінгарсавета ад 24 лістапада 2010 года нумар 60.
Стаўка за падатковы перыяд устанаўліваецца ў памеры 1 базавай велічыні (1 БВ складае Br25,5) за пароды сабак, уключаныя ў пералік патэнцыяльна небяспечных, 0,3 БВ - у іншых выпадках. У папярэднім рашэнні лічбы складалі адпаведна 0,75 БВ і ад 0,2 БВ да 0,6 БВ (у залежнасці ад вышыні ў карку).
У новай рэдакцыі выкладзены пункт, дзе ідзе размова аб тым, хто вызваляецца ад падатку. У іх ліку грамадзяне, якія пражываюць у аднакватэрных блакіраваных жылых дамах пры ўмове ўтрымання імі не больш за аднаго сабаку ў выпадку, калі сабака не выкарыстоўваецца ў прадпрымальніцкай дзейнасці.
Рашэнне ўступае ў сілу пасля афіцыйнага апублікавання.