У мэтах папярэджання пажараў у перыяд з 16 кастрычніка па 1 лістапада Смалявіцкім РАНС сумесна з мясцовымі выканаўчымі і распарадчымі органамі, арганізацыямі, якія абслугоўваюць жыллёвы фонд, пры ўдзеле прадстаўнікоў раённай пракуратуры на тэрыторыі Смалявіцкага раёна праведзена прафілактычная акцыя «За бяспеку разам». У ходзе мерапрыемства па месцы жыхарства наведаны адзінокія і састарэлыя грамадзяне і інваліды, сем'і, дзеці ў якіх знаходзяцца ў сацыяльна небяспечным становішчы, грамадзянам дадзены тлумачэнні па пытаннях пажарнай бяспекі ў жылых памяшканнях, распаўсюджана друкаваная прадукцыя прафілактычнай накіраванасці, праведзена абследаванне супрацьпажарнага стану месцаў агульнага карыстання ў шматкватэрных жылых дамах.

Праца па прафілактыцы ўзнікнення пажараў і іншых надзвычайных сітуацый арганізавана на пастаяннай аснове ў рамках рэалізацыі Комплекснага плану па прафілактыцы правапарушэнняў у Смалявіцкім раёне на 2019 год.

Разам з тым, за 9 месяцаў 2019 года на тэрыторыі Смалявіцкага раёна адбылося 77 пажараў. На пажарах загінула 5 чалавек. Значная частка пажараў мелі месца на тэрыторыі садаводчых таварыстваў.

Асноўнымі прычынамі пажараў у бягучым годзе з'явіліся:

• парушэнне правілаў эксплуатацыі печаў, цеплагенерыруючых агрэгатаў і прылад-20;
• парушэнне правілаў эксплуатацыі электрасетак і электраабсталявання-12;
• неасцярожнае абыходжанне з агнём-26.

Прычыны пажару, на якіх загінулі людзі: неасцярожнае абыходжанне з агнём (4), парушэнне правілаў эксплуатацыі электрычных сетак і электраабсталявання (1).

Як паказвае прыведзены вышэй аналіз, у большасці выпадкаў прычынамі пажараў з'яўляюцца дапушчаныя грамадзянамі, а ў некаторых выпадках і службовымі асобамі прадпрыемстваў і арганізацый парушэння правілаў пажарнай бяспекі.

У выпадку ўстанаўлення фактаў такіх парушэнняў вінаватыя асобы прыцягваюцца да адміністрацыйнай адказнасці паводле артыкула 23.56 Кодэкса Рэспублікі Беларусь аб адміністрацыйных правапарушэннях (парушэнне заканадаўства аб пажарнай бяспецы). У бягучым годзе да адміністрацыйнай адказнасці па названым артыкуле Смалявіцкім РАНС прыцягнута 84 парушальнікі.

Згодна ч.1 арт. 23.56 КаАП парушэнне заканадаўства аб пажарнай бяспецы, у тым ліку абавязковых для выканання патрабаванняў тэхнічных нарматыўных прававых актаў сістэмы супрацьпажарнага нармавання і стандартызацыі, - цягне папярэджанне або накладанне штрафу ў памеры да трыццаці базавых велічынь, а на юрыдычную асобу - папярэджанне або накладанне штрафу ў памеры да двухсот базавых велічынь.

Парушэнне правілаў пажарнай бяспекі асобай, адказнай за іх выкананне, што пацягнула ўзнікненне пажару, - цягне накладанне штрафу ў памеры да пяцідзесяці базавых велічынь. (ч. 2 арт. 23.56 КаАП).

У выпадку парушэння правілаў пажарнай бяспекі асобай, адказнай за іх выкананне, што пацягнула ўзнікненне пажару з цяжкімі наступствамі (буйную, асабліва буйную шкоду, прычынення шкоды здароўю, смерць), вінаватая асоба можа быць прыцягнута да крымінальнай адказнасці па арт. 304 Крымінальнага кодэкса Рэспублікі Беларусь, санкцыя якой прадугледжвае максімальнае пакаранне ў выглядзе пазбаўлення волі тэрмінам да 7 гадоў.

У сілу палажэнняў арт. 46 Закона Рэспублікі Беларусь ад 15.06.1993 № 2403-XII «Аб пажарнай бяспецы» адказнасць за парушэнне патрабаванняў пажарнай бяспекі ў арганізацыях нясуць персанальна іх кіраўнікі, па галінах - кіраўнікі рэспубліканскіх органаў дзяржаўнага кіравання, а па гарадах і іншых населеных пунктах - мясцовыя выканаўчыя і распарадчыя органы.

Адказнасць за парушэнне патрабаванняў пажарнай бяспекі ў жылых памяшканнях дзяржаўнага, грамадскага фонду, фонду жыллёва-будаўнічых кааператываў ускладаецца на кватэранаймальнікаў, а ў жылых кватэрах, дамах, надворных пабудовах, дачах і іншых будынках, якія належаць грамадзянам на праве прыватнай уласнасці, - на іх уласнікаў.

Для нагляднасці прывядзем прыклад:

Уласнік дачнага дома ў садоўніцкім таварыстве на працягу 15-20 гадоў эксплуатуе халадзільнік, пакідаючы яго ва ўключаным стане ў перыяды сваёй адсутнасці на дачы. Няспраўнасць старой электраправодкі паслужыла прычынай кароткага замыкання, што, у сваю чаргу, прывяло да пажару, які знішчыў суседні дачны дом коштам 10000 рублёў.

У такім выпадку ўласнік дома з няспраўным халадзільнікам можа быць прыцягнуты да крымінальнай адказнасці па ч. 2 арт. 304 КК, санкцыя якой прадугледжвае папраўчыя работы на тэрмін да двух гадоў, або арышт, або абмежаванне волі на тэрмін да трох гадоў, або пазбаўленне волі на той жа тэрмін з пазбаўленнем права займаць пэўныя пасады або займацца пэўнай дзейнасцю або без пазбаўлення.

Толькі няўхільнае выкананне правіл пажарнай бяспекі дазволіць пазбегнуць пажару і ўстаноўленай законам адказнасці.