Смалявіцкі раённы аддзел па надзвычайных сітуацыях у рамках рэспубліканскай акцыі «Дзень бяспекі. Увага ўсім!» працягвае сустракацца з бацькамі і дзецьмі рэгіёну.
15 сакавіка правілы бяспекі ў побыце паўтаралі маленькія выхаванцы дзіцячага цэнтра «Лесенка». Хлопчыкі і дзяўчынкі даведаліся, якія небяспекі могуць быць у кватэры, як паводзіць сябе ў гандлёвым цэнтры пры ўзнікненні пажару. Пазнаёміліся з абсталяваннем ратавальнікаў. Героі мультфільма «Чароўная кніга» распавялі малышам, як правільна выклікаць службу выратавання. Мамы з задавальненнем далучыліся да сваіх дзяцей і дапамагалі ім выклікаць службу выратавання і распавядалі, як правільна дзейнічаць падчас пажару.
Удзельнікі мерапрыемства атрымалі маляўнічыя, цікавыя і карысныя падарункі ад раённай службы выратавання.