Работнікі Смалявіцкага раённага аддзела па надзвычайных сітуацыях працягваюць пажарна-прафілактычную працу ў працоўных калектывах, на сельскіх сходах грамадзян, з'яўляюцца пастаяннымі ўдзельнікамі школьных мерапрыемстваў для дзяцей і бацькоў.
На працоўным тыдні, які прайшоў, першы намеснік начальніка Смалявіцкага РАНС Аляксандр Мядзел прыняў удзел у правядзенні бацькоўскага сходу ў ДУА «Забалоцкая сярэдняя школа». Работнік службы выратавання распавёў пра колькасць пажараў, што адбыліся за няпоўныя тры месяцы бягучага года, аб колькасці загінулых грамадзян, а таксама спыніўся на асноўных прычынах гэтых трагедый. Галоўным вектарам выступу работніка МНС стала папярэджаньне дзіцячай гібелі і траўматызму.
- Трагедыі, якія адбыліся з удзелам дзяцей у мінулым годзе, яшчэ раз падкрэсліваюць тое, што галоўная іх прычына злачынная халатнасць дарослых. Не забясьпечылі бяспеку дома. Не навучылі. Не звярнулі ўвагу, - звярнуўся да прысутных Аляксандр Мядзел. - З бацькамі мы гутарым часта. Наша мэта заўсёды адна: камусьці нагадаць, кагосьці навучыць. Давайце разам клапоціцца пра нашых дзяцей.