На бягучым працоўным тыдні ў Смалявічах на прадпрыемстве па вытворчасці паперы ЗП «Мюнікс» прайшлі вучэнні. Мэтай вучэнняў было вывучэнне працы падраздзяленняў па ліквідацыі пажару на выбуховапажаранебяспечным прадпрыемстве, а таксама зладжанасці дзеянняў адміністрацыі і персаналу ў выпадку ўзнікнення надзвычайнай сітуацыі.
Паводле легенды, у выніку парушэння тэхнікі бяспекі пры правядзенні агнявых работ адбылося ўзгаранне на складзе гатовай прадукцыі. Да месца надзвычайнай сітуацыі накіраваліся пажарныя падраздзялення раёна і суседніх гарнізонаў. Да прыезду першых пажарных разлікаў члены добраахвотнай дружыны ажыццяўлялі дзеянні да тушэння пажару і эвакуацыі работнікаў з памяшкання склада.
Вучэнні паказалі, што Смалявіцкія ратавальнікі гатовыя да надзвычайных сітуацыях падобнага характару.