У Смалявіцкім раёне праходзіць рэспубліканская акцыя «За бяспеку разам».
На бягучым працоўным тыдні першы намеснік начальніка Смалявіцкага РАНС Аляксандр Мядзел сустрэўся з медыцынскімі работнікамі Смалявіцкай цэнтральнай раённай бальніцы. Тэма гутаркі, як звычайна, злабадзённая і медыкам, як нікому іншаму, вельмі блізкая - гібель і траўматызм грамадзян.
Аляксандр Васільевіч расказаў пра пажары і чатырох выпадках гібелі грамадзян, якія адбыліся ў раёне. Асобна спыніўся на выпадках знішчэння і пашкоджання маёмасці ў выніку выпальвання сухой расліннасці або некантралюемага спальвання смецця на падворках і прысядзібных участках.
- Многія з вас уваходзяць у склад назіральных камісій. Вельмі вас прашу звяртаць увагу на стан пячнога ацяплення і электраправодкі ў прыватных дамах. Асабліва ў старым жылфондзе ці там, дзе пражываюць інваліды або пажылыя грамадзяне. Пры выяўленні парушэнняў неадкладна інфармуйце зацікаўленыя службы для хутчэйшай ліквідацыі недахопаў, - звярнуўся да медыцынскіх работнікаў Аляксандр Мядзел.
Удзельнікам сустрэчы ўручаны інфармацыйныя ўлёткі, якія нагадваюць пра забарону выпальвання сухой расліннасці і аб захаванні правіл пажарнай бяспекі ў побыце.