2 красавіка 2019 года ў 20-32 на пульт аператыўнага кіравання Смалявіцкага раённага аддзела па надзвычайных сітуацыях паступіла паведамленне аб загаранні жылога дома ў в.Прылепы.
У выніку пажару жылы дом пашкоджаны ў выніку ўздзеяння агню (выгарэў знутры, дах знішчаны агнём цалкам, пашкоджаны сцены). На адлегласці пяці метраў ад дома знойдзены труп грамадзяніна І., 1952 г. н.
Найбольш верагоднымі прычынамі пажару з'явіліся неасцярожнае абыходжанне з агнём загінулым (курэнне) або парушэнне правілаў эксплуатацыі электрычнага абсталявання.
Смалявіцкі РАНС звяртае ўвагу грамадзян на строгае выкананне правіл пажарнай бяспекі ў побыце. Не выкарыстоўвайце няспраўныя электрапрыборы або электрапрыборы ня завадскога вырабу. Адрамантуйце пашкоджаную электраправодку, старую заменіце на новую. Прыбярыце ад дзяцей вострыя прадметы, запалкі, бытавую хімію. Пры надзвычайнай сітуацыі тэлефануйце 101 або 112.
