У выніку спрацоўкі аўтаномнага пажарнага апавяшчальніка пры пажары ў жылым доме 13 красавіка ў Смалявіцкім раёне ўратавалася сям'я.
Калі пачаўся пажар, дома знаходзіліся маці, бацька і іх сын-падлетак. Калі ў суседнім пакоі спрацаваў аўтаномны пажарны апавяшчальнік, сям'я пакінула палаючы дом. Ніхто не загінуў. Пажар ліквідавалі падраздзяленні МНС. Агнём цалкам знішчаны дах і пашкоджана маёмасць у доме. Адна з асноўных версій прычыны пажару - кароткае замыканне электраправодкі.
Смалявіцкі раённы аддзел па надзвычайных сітуацыях звяртае ўвагу грамадзян на строгае выкананне правіл пажарнай бяспекі ў побыце: сачыце за спраўнасцю электрычнай праводкі, не выкарыстоўвайце няспраўнае электрычнае абсталяванне, выконвайце правілы топкі печаў, ня спальвайце сухую траву на падворках.
Усталюйце ў сваіх дамах і кватэрах аўтаномны пажарны апавяшчальнік і сачыце за яго спраўнасцю: своечасова змяняйце элемент харчавання, ачышчайце яго ад пылу. Пры ўзнікненні узгарання ён у самыя кароткія тэрміны абудзіць вас і апавясціць аб пажары. Не грэбуйце правіламі пажарнай бяспекі.