У I паўгоддзі тавараабарот Мінскай вобласці з Кітаем вырас на 36%.
Пра гэта паведаміў намеснік старшыні Мінскага аблвыканкама Мікалай Рагашчук: "За I паўгоддзе тавараабарот Мінскай вобласці з Кітаем вырас на 36% і склаў больш за $800 млн. Экспарт вырас на 64%, імпарт - толькі на 20%: радуе, што экспарт расце хутчэй. Пастаўляем у асноўным калійныя солі, з нядаўніх часоў таксама малочную і мясную прадукцыю. Па выніках I квартала прыцягнута больш за $ 70 млн замежных інвестыцый, пры гэтым на чыстай аснове прыцягнута больш за $ 17 млн. Што тычыцца паставак беларускай прадукцыі ў Кітай, то сёлета адправілі ўжо два кантэйнерныя цягнікі з малочнай прадукцыяй. Цяпер фармуецца трэці склад - 41 вагон, 1 тыс. т малочкі, морам трошкі танней, але морам можна адправіць тое, што доўга захоўваецца. Морам – 2 месяцы, цягніком – два тыдні. Адзін пояс, адзін шлях - ідуць пастаўкі і з Еўропы праз Беларусь". Таксама Мікалай Рагашчук адзначыў, што Кітай запытаў, да прыкладу, курыных лапак штомесяц столькі, колькі Беларусь можа паставіць у год: “Мы актыўна ўдзельнічаем ва ўсіх выставах і кірмашах, вось і ў канцы жніўня трэба ў Кітаі правесці перамовы. У правінцыі Ю Бэй будзе будавацца беларуская пляцоўка, Кітай - гэта вялізны рынак, які можа паглынуць практычна ўсё, што вырабляецца ў вобласці, і нават больш".
Адзначым, што Мінская вобласць актыўна супрацоўнічае з Кітаем па розных кірунках.