Самую вялікую ў Беларусі галоўку сыру падрыхтавалі да абласнога фестывалю-кірмашу «Дажынкі-2019» слуцкія сыравары. Круг сулугуні дыяметрам паўтара метра і вагой больш за 120 кілаграмаў рыхтавалі дзесяць майстроў.
Для прыгатавання сыру-рэкардсмена выкарыстоўвалі больш тоны малака з даданнем закваскі, сычужнага фермента і солі. Зараз сулугуні праходзіць апошнія стадыі падрыхтоўкі, пасля чаго яго святочна аформяць і даставяць у Барысаў.
Падчас «Дажынак» будзе праходзіць конкурсная праграма, пераможца якой панясе дадому вялікі кавалак ад гіганцкага сулугуні. А паспрабаваць слуцкі сыр зможа любы жадаючы.
Вытворцы ўпэўненыя: 120-кілаграмовай галавы хопіць на ўсіх. Але для падстрахоўкі захопяць з сабой яшчэ адзін сыр волатаўскіх памераў - адыгейскі, вагой 35 кілаграмаў і дыяметрам каля 40 сантыметраў. Рыхтавалі яго чатыры спецыяліста з 320 літраў малака.