14 кастрычніка ў Маладзечна, у Доме культуры, усім цэнтральным рэгіёнам адсвяткавалі Дзень Маці, тут прайшла святочная праграма для жанчын «Любові вялікае святло - святло мацярынства».
На мерапрыемстве прысутнічалі намеснік Міністра працы і сацабароны, намеснік старшыні Мінскага аблвыканкама, а таксама прадстаўнікі мясцовай улады.
Мамы спаборнічалі ў многіх «дысцыплінах».
Захапленне выклікала намінацыя «Самая арыгінальная калыска».
Тэма «Дажынак», якія адгрымелі ў гэтую суботу ў Барысаве, наклала свой адбітак: каляска-камбайн заваявала многіх сваёй незвычайнасцю.
Таксама спаборнічалі ў «Букетах для мамы».
Іван Маркевіч, намеснік старшыні Мінскага аблвыканкама, высока ацаніў створаны рукамі мам букет-дрэва.
А чаго каштуе самы салодкі конкурс на лепшы торт! Тут журы было няпроста: усе вырабы можна было назваць творамі мастацтва.
Дарэчы, тарты потым адправіліся ў дзіцячыя дамы і іншыя спецыялізаваныя ўстановы.
У холах Дома культуры працавалі розныя тэматычныя пляцоўкі, а таксама выступалі творчыя калектывы.
Прадстаўнікі ўлады ўзнагародзілі лепшых маці, пераможцаў конкурснай праграмы. У зале быў аншлаг: бо сюды прыехалі жанчыны з усёй Мінскай вобласці.
Шмат цёплых слоў прагучала ў бок пяшчотнай паловы чалавецтва. Для матуль арганізавалі канцэрт, на якім выступілі лепшыя калектывы і выканаўцы рэгіёна.
