Сельгасарганізацыі Мінскай вобласці на сённяшні дзень завяршылі ўборку гародніны. Па выніку агульная вага ўраджаю склала амаль 30 тыс. тон.
А гэта на 10% вышэй за ўзровень 2018 года. Пры гэтым частка прадукцыі мае сертыфікат экалагічна чыстай. Менавіта яе і будуць прадаваць на першым беларускім экарынку, які размесціцца пад Мінскам.
Дарэчы, ураджай гэтага сезону ўжо пачалі перапрацоўваць. Напрыклад, у агракамбінаце "Ждановічы" наладзілі вакуумную ўпакоўку свежай ачышчанай бульбы, цыбулі, морквы і буракоў.