Акцыя "Захавай сімвал свята" стартуе ў Мінскай вобласці 20 снежня.
- Напярэдадні зімовых святаў лясгасы і Рэспубліканскі лясны селекцыйна-насенняводчы цэнтр прапануюць беларусам набыць навагоднія дрэвы ў кадках, гаршках або скрынях і захаваць іх да вясны. Затым будзе магчымасць высадзіць іх у бліжэйшым лясніцтве падчас акцыі "Тыдзень лесу", якая традыцыйна праходзіць у красавіку. Кожнаму пакупніку будзе ўручана памятка па доглядзе за навагоднім дрэвам, - паведамілі ў прэс-службе Міністэрства лясной гаспадаркі.
Дарэчы, дадзеная акцыя пройдзе не толькі ў Мінскай вобласці, але і ва ўсіх населеных пунктах краіны з колькасцю насельніцтва звыш 30 тыс.
Летась акцыю падтрымалі больш за 2 тысячы чалавек. Плануецца, што ў гэты раз колькасць удзельнікаў будзе больш.
Адрасы гандлёвых кропак, дзе будзе прадстаўлена прадукцыя лясгасаў і Рэспубліканскага ляснога селекцыйна-насенняводчага цэнтра, можна будзе ўбачыць на сайце Міністэрства лясной гаспадаркі.
