На сённяшні дзень пагалоўе Мінскай вобласці налічвае каля 18,5 тысяч асобін. Авечак утрымліваюць на 14 сельгаспрадпрыемствах.
У асноўным, жывёл разводзяць для вытворчасці воўны і мяса, але на авечкагадоўчым прадпрыемстве ў Барысаўскім раёне зрабілі ўпор менавіта на малако.
Тут утрымліваюць жывёл пароды французскай селекцыі. Іх малако выкарыстоўваюць спецыяльна для вытворчасці якасных сыроў, напрыклад, ракфор. Плануецца выпускаць мяккія і цвёрдыя сыры, а таксама ёгурты і авечае малако.
На дадзены момант на прадпрыемстве павялічваюць пагалоўе. Акрамя таго, сумесна з Інстытутам мяса-малочнай прамысловасці праводзяцца даследаванні, распрацоўваюцца ДАСТы, ТУ, робяцца сыры, ёгурты.
Дарэчы, авечае малако адрозніваецца ад каровінага наборам амінакіслот. У ім змяшчаецца больш сухіх рэчываў - на 15%. І яно з'яўляецца гіпааллергенным. Прыкладна 7,5% тлустасць, 5,5% бялок.