Да ведама, на тэрыторыі Мінскай вобласці за 4 месяцы г.г. ужо на пешаходных пераходах адбылося 36 ДТЗ, у выніку якіх 2 пешаходы загінулі, 37 - атрымалі траўмы.
У мэтах павышэння эфектыўнасці прымаемых органамі ўнутраных спраў мер па забеспячэнні бяспекі менш абароненай і найбольш неабароненай катэгорыі ўдзельнікаў дарожнага руху, як пешаходы, з 18 па 22 мая ДАІ Смалявіцкага РАУС праводзіць прафілактычную акцыю «Бяспечны пераход».
Дзяржаўтаінспекцыя заклікае вадзіцеляў да падвоенай увазе за рулём, асабліва ва ўмовах абмежаванай бачнасці і пры неспрыяльных пагодных умовах. Пры пад'ездзе да нерэгуляванага пешаходнага перахода вадзіцель абавязаны знізіць хуткасць, аж да спынення транспартнага сродку, каб саступіць дарогу пешаходам. Калі перад пешаходным пераходам спыніўся, стаiць або запаволіў рух транспартны сродак, то вадзіцелі іншых транспартных сродкаў, якія рухаюцца па суседніх палосах руху ў спадарожным напрамку, павінны знізіць хуткасць руху.
Маючы перавагу, пешаход абавязаны быць вельмі ўважлівым, асцярожным, не адцягвацца пры пераходзе праезнай часткі, абавязкова глядзець па баках, выключыць размовы па мабільным тэлефоне і выкарыстання навушнікаў пры праслухоўванні якой-небудзь інфармацыі ці музыкі, сваімі дзеяннямі не ствараць перашкоды для руху транспартных сродкаў.
Паважаныя вадзіцелі і пешаходы, стаўцеся адзін да аднаго з разуменнем і павагай! На дарозе ўсе роўныя і ў кожнага ёсць перавага, але толькі тады, калі яна не супярэчыць правілам дарожнага руху!
