Праваахоўнікі заклікаюць вадзіцеляў быць вельмі ўважлівымі пры руху паблізу агульнаадукацыйных устаноў, праездзе нерэгулюемых пешаходных пераходаў, прыпынкаў транспарту і ў дварах.
У гэты перыяд асаблівая ўвага будзе надавацца захаванню кіроўцамі хуткаснага рэжыму, правілаў праезду пешаходных пераходаў і бяспечнай перавозкі дзяцей.
"Паважаныя дарослыя! Штодня нагадвайце дзецям правілы бяспечных паводзін на дарозе. Пакажыце, што на дарозе дзіцяці варта быць асабліва ўважлівым і ўмець правільна ацэньваць дарожную сітуацыю. Не забывайце сваім асабістым прыкладам паказваць штогадзіннае захаванне Правілаў дарожнага руху. Толькі паказваючы асабісты прыклад захавання ПДР, вы закладзеце ў дзіцяці пачуццё адказнасці і ўважлівасці на дарозе. Вядома, ад усяго зберагчы немагчыма, але папярэдзіць жаданне парушыць ПДР можна і неабходна, а значыць захаваць здароўе, а магчыма, і жыццё дзіцяці!"- адзначыла інспектар АДАІ Смалявіцкага РАУС Ірына Стральцова.
Дзяржаўтаінспекцыя нагадвае, што ў адпаведнасці з пунктам 166 і 166.9 Правілаў дарожнага руху "У светлы час сутак для абазначэння рухаючага транспартнага сродку павінны быць уключаны блізкае святло фар або дзённыя хадавыя агні ў перыяд правядзення Міністэрствам унутраных спраў рэспубліканскіх спецыяльных комплексных мерапрыемстваў па забеспячэнні бяспекі дарожнага руху".
Дзяржаўтаінспекцыя звяртае ўвагу вадзіцеляў, што ў перыяд правядзення СКМ УКЛЮЧЭННЕ БЛІЗКАГА СВЯТЛА ФАР АБАВЯЗКОВА ДЛЯ ЎСІХ ТРАНСПАРТНЫХ СРОДКАЎ!