Чаго толькі не прыдумляюць інспектары АДАІ Смалявіцкага РАУС, каб нагадаць дзецям і дарослым аб простых правілах бяспекі.
На днях на вуліцы горада Смалявічы разам з інспектарамі АДАІ выйшлі дзеці, захапіўшы з сабой фарбу і трафарэты з надпісамі "Вазьмі дзіця за руку", "Здымі навушнікі", "Паглядзі па баках".
Як распавяла інспектар АДАІ Смалявіцкага РАУС, галоўная задача такой незвычайнай акцыі - прыцягнуць увагу грамадскасці да праблемы бяспекі на дарогах, бо пешаходы і веласіпедысты з'яўляюцца самымі неабароненымі і ўразлівымі ўдзельнікамі дарожнага руху.
Школьнікі разам з інспектарамі нанеслі каля пешаходных пераходаў спецыяльныя прафілактычныя надпісы. Таксама яны размаўлялі з пешаходамі на тэму важнасці захавання ПДР і нашэння святлоадбівальных элементаў.
Яркая прафілактычная праца не засталася без увагі гараджан: пешаходы, праходзячы міма, з цікаўнасцю чыталі надпісы на асфальце.
Як адзначылі ў раённай ДАІ, папераджальныя знакі з'явіліся пакуль толькі на найбольш ажыўленых вуліцах Смалявічаў, але ў бліжэйшы час яны з'явяцца і на тэрыторыі населеных пунктаў раёна.
