Адным з патэнцыйна небяспечных часовых прамежкаў, калі здзяйсняецца найбольшая колькасць аўтааварый з удзелам непаўналетніх, з'яўляецца перыяд канікул. Прычына: няўважлівасць, бестурботнасць дзяцей на дарозе і адсутнасць кантролю за іх вольным часам з боку дарослых.

З мэтай прафілактыкі ДТЗ з удзелам непаўналетніх, напярэдадні і падчас восеньскіх школьных канікул, з 27 кастрычніка па 7 лістапада 2021 года Дзяржаўтаінспекцыя Смалявіцкага раёна праводзіць прафілактычную акцыю "Бяспечныя канікулы".

Падчас акцыі супрацоўнікі ДАІ правядуць інфармацыйна-тлумачальныя гутаркі ва ўстановах адукацыі, працоўных калектывах, арганізацыях і на бацькоўскіх сходах. У гутарках выступоўцы растлумачаць як дзецям, так і дарослым правілы бяспечных паводзін у транспарце, на дарозе, дваровых тэрыторыях, надаўшы асаблівую ўвагу выкарыстанню святлоадбівальных элементаў у цёмны час сутак. Таксама інспектары і нагадаюць правілы пераходу праезнай часткі на пешаходных пераходах і недапушчальнасці выкарыстання пры гэтым гаджэтаў і слухавак.

Даведачна, за 9 месяцаў бягучага года на тэрыторыі раёна адбылося 1 ДТЗ з удзелам дзяцей, у выніку якога 1-атрымаў траўмы рознай ступені цяжкасці.

Асноўнымі памылкамі пацярпелых непаўналетніх у выніку ДТЗ з'явіліся: пераход праз праезную частку па-за пешаходным пераходам, нечаканы выхад з-за транспартнага сродку або іншых перашкод, якія абмяжоўваюць агляднасць кіроўцу, а таксама знаходжанне на праезнай частцы без суправаджэння дарослых.

Так як у канікулярны перыяд заўсёды намячаецца актыўная перавозка дзяцей, а статыстыка дарожна-транспартных здарэнняў з удзелам непаўналетніх кажа пра тое, што ў большай ступені пацярпелі дзеці-пасажыры — пад асаблівым кантролем вартавы дарог будуць вадзіцелі, якія адказваюць за бяспеку перавозкі сваіх пасажыраў.

За парушэнне правілаў перавозкі дзяцей у адпаведнасці з ч. 6 арт. 18.13 КоАП Рэспублікі Беларусь у дачыненні да вадзіцеля накладаецца адміністрацыйнае спагнанне ў выглядзе штрафу ў памеры да 4 БВ.

Дзяржаўтаінспекцыя звяртае ўвагу дарослых і нагадвае пра тое, што менавіта яны ў першую чаргу нясуць адказнасць за сваіх дзяцей да іх паўналецця! Неабходна на асабістым станоўчым прыкладзе прывучаць дзіця да гранічнай увазе, дысцыпліне і няўхільнага выканання правілаў дарожнага руху.

АДАІ Смалявіцкага РАУС

Крынiца: Край Смалявiцкi

У Беларусі ўбрана 86,6 працэнта плошчаў кукурузы, паведамляе БЕЛТА са спасылкай на аператыўную інфармацыю Мінсельгасхарча.

На раніцу 26 кастрычніка ў Беларусі ўбрана 1,002 млн га кукурузы. Гэта 86,6 працэнта ад запланаванай плошчы 1,157 млн га. У 2020 годзе на гэту ж дату было ўбрана 985,9 тыс. га, або 80,9 працэнта ад плана 1,218 млн га.

На сілас і зялёны корм убрана 861,6 тыс. га кукурузы (91,9 працэнта ад плана) , на зерне - 140,6 тыс. га (63,9 працэнта).

Сярэдняя ўраджайнасць кукурузы на зерне - 76,1 ц/га. Для параўнання: у мінулым годзе на тую ж дату было 68,8 ц/га.

Нарыхтавана 8,834 млн т кармавых адзінак травяных кармоў (91 працэнт ад плана). Завяршаецца ўборка бульбы ў сельгасарганізацыях: работы праведзены на 23,7 тыс. га (98,7 працэнта ад плана), накапана 638,3 тыс. т. Цукровыя буракі ўбраны з 55,2 тыс. га (65,2 працэнта ад плана), сабрана 2,569 млн т.

Крынiца: БелТА

У Беларусі ў 2022 годзе плануецца ўвесці 4,2 млн кв.м жылля. Аб гэтым расказаў міністр архітэктуры і будаўніцтва Руслан Пархамовіч у інтэрв'ю праграме "Галоўны эфір" на тэлеканале "Беларусь 1", паведамляе БЕЛТА.

"У наступным годзе 1,2 млн кв.м жылля з дзяржпадтрымкай - гэта наша асноўная задача. Што датычыцца агульнага ўводу, дзяржпраграмай прадугледжана будаўніцтва 4,2 млн кв.м жылля, і мы плануем выконваць гэту задачу", - падзяліўся планамі Руслан Пархамовіч.

За 9 месяцаў бягучага года ўведзена ўжо 3 млн кв.м жылля (план на год - 4 млн кв.м). "У графік укладзёмся і нават ідзём з апярэджаннем. Што датычыцца будаўніцтва жылля з дзяржпадтрымкай, то ўжо 90 працэнтаў ад даведзенага на год задання мы выканалі па выніках работы за 9 месяцаў - 900 тыс. кв.м ужо ўведзена", - адзначыў міністр.

Крынiца: БелТА

Супрацоўнікі Дзяржаўтаінспекцыі Мінскай вобласці на працягу чатырох дзён будуць праводзіць масіраваную адпрацоўку мясцовых аўтадарог і сельскіх населеных пунктаў. З 22 па 25 кастрычніка інспектары ў сельскай мясцовасці нададуць асаблівую ўвагу пешаходам, правілам іх перавозкі, а таксама нецвярозым вадзіцелям.

Старшы інспектар аддзялення агітацыі прапаганды ўпраўлення ДАІ УУС Мінаблвыканкама Ірына Сапунова распавяла карэспандэнту МЛЫН.ВУ:

- Адпрацоўка будзе праводзіцца з мэтай прадухілення дарожна-транспартных здарэнняў, а таксама спынення правапарушэнняў удзельнікамі дарожнага руху. У мерапрыемствах удзельнічаюць як супрацоўнікі ДАІ, так і іншыя службы міліцыі грамадскай бяспекі. Кантроль на мясцовых дарогах будзе галосным і негалосным.

Ірына Сапунова адзначыла, што ў прыярытэце — выяўленне парушэнняў, якія з'яўляюцца асноўнымі прычынамі ДТЗ з цяжкімі наступствамі.

Гэта — парушэнні з боку уразлівых удзельнікаў дарожнага руху, асабліва ў цёмны час сутак, не прадастаўленне перавагі ў руху пешаходам, кіраванне транспартнымі сродкамі вадзіцелямі, якія знаходзяцца ў стане ап'янення і (або) не маюць права кіравання, парушэнні хуткасных рэжымаў, а таксама правіл перавозкі пасажыраў, асабліва непаўналетніх.

Парушальнікі будуць прыцягнуты да адказнасці згодна з заканадаўствам Рэспублікі Беларусь.

— Паважаныя жыхары Мінскай вобласці, калі вы валодаеце інфармацыяй аб тым, што транспартным сродкам кіруе вадзіцель у стане ап'янення, альбо бачыце на праезнай частцы нецвярозых пешаходаў, веласіпедыстаў, паведаміце аб гэтым у дзяжурную частку ДАІ па тэлефонах: 8 (017) 229-04-44 або 102. Званок бясплатны, - сказала Ірына Сапунова.

Крынiца: Мінскі аблвыканкам

У Беларусі выбудавана эфектыўная сістэма аказання анкадапамогі. Аб гэтым было заяўлена ў час наведвання Прэзідэнтам Беларусі Аляксандрам Лукашэнкам РНПЦ анкалогіі і медыцынскай радыялогіі імя М.М.Аляксандрава, перадае карэспандэнт БЕЛТА.

Аляксандр Лукашэнка пацікавіўся, наколькі эфектыўна ў краіне выбудавана сістэма анкадапамогі, развіццём якой пачалі займацца яшчэ два дзясяткі гадоў таму пры яго ўдзеле.

Як далажылі кіраўніку дзяржавы, у Беларусі ўдалося не толькі захаваць базу, але і пашырыць магчымасці анкалагічнай дапамогі пацыентам. Створаная ў Беларусі сістэма шмат у чым унікальная, і да вопыту яе работы праяўляюць вялікую цікавасць за мяжой.

"Мы можам быць узорам і паказчыкам для многіх краін у гэтай сістэме", - адзначыў дырэктар РНПЦ Сяргей Палякоў.

"Сістэма выбудавана. Для мяне гэта важна", - падкрэсліў Аляксандр Лукашэнка.

Быў адзначаны момант, што на фоне эпідсітуацыі людзі сталі радзей звяртацца да ўрачоў і адбылося пэўнае зніжэнне выяўляльнасці анказахворванняў. Аднак гэта агульнасусветная тэндэнцыя.

У цэлым жа якасныя крытэрыі па аказанні дапамогі анкапацыентам у Беларусі па шэрагу напрамкаў знаходзяцца сярод лепшых у свеце. Укараняюцца новыя тэхналогіі і падыходы, за кошт чаго значна павялічыўся працэнт выжывальнасці, захоўваецца якасць жыцця.

Размова таксама ішла аб экспарце паслуг - аказанні дапамогі замежным анкапацыентам. Гэты напрамак даволі запатрабаваны сярод іншаземцаў.

Аляксандр Лукашэнка ў сувязі з гэтым звярнуў увагу, што на тым жа Захадзе аналагічныя па якасці паслугі каштуюць значна даражэй. "Яны бяруць за ўсё грошы, абдзіраюць. Разумеючы, што і мы не горш за іх робім гэтыя аперацыі", - заўважыў ён.

Прэзідэнт таксама цікавіўся, якія перспектывы таго, што можа з'явіцца нейкае ўніверсальнае лякарства ад раку. Сяргей Палякоў адзначыў, што адносна шэрага форм анказахворванняў ужо ёсць эфектыўныя лякарствы, якія нават на позніх стадыях даюць магчымасць на 5-7 гадоў прадоўжыць жыццё пацыентаў і захаваць яе якасць. Аднак універсальнага сродку-панацэі не існуе.

Разам з тым памочнік Прэзідэнта Аляксандр Косінец упэўнены, што ў перспектыве гэта магчыма, і такія распрацоўкі ў свеце вядуцца.

Была закранута і тэма вакцын, у тым ліку ад COVID-19, палітызацыя гэтага пытання ў свеце, імкненне зарабіць вялікія грошы на праблеме. "Ахова здароўя павінна быць сферай абсалютна інтэрнацыянальнай. Тут нельга на здароўі людзей (нажывацца. - Заўвага БЕЛТА)", - падкрэсліў Прэзідэнт.

Што датычыцца анкалогіі, ён упэўнены, што беларускія вучоныя маюць патэнцыял, каб зрабіць нешта прарыўное, што ацэняць на сусветным узроўні.

Крынiца: БелТА