У Беларусі ў 2018 годзе ўпершыню за апошнія пяць гадоў назіраўся рост колькасці рэгіструемых суб'ектаў гаспадарання, паведаміў журналістам міністр юстыцыі Алег Сліжэўскі, перадае карэспандэнт БЕЛТА.
У 2018 годзе ў краіне было зарэгістравана больш за 46 тыс. суб'ектаў гаспадарання, што на 7 працэнтаў больш, чым у 2017 годзе. Цяпер у Адзіным дзяржаўным рэгістры юрыдычных асоб і індывідуальных прадпрымальнікаў (АДР) змешчана інфармацыя па 1,4 млн суб'ектаў гаспадарання, з якіх больш за 402 тыс. значацца дзеючымі.
Пры дапамозе вэб-партала АДР у рэгіструючыя органы было прадстаўлена каля 5 тыс. розных заяў і паведамленняў, што на 70 працэнтаў больш, чым у 2017 годзе.
У 2018 годзе ўсе рэгіструючыя органы былі падключаны да АІС "Разлік", дзякуючы чаму ёсць магчымасць выплаты дзяржаўнай пошліны за рэгістрацыю суб'ектаў гаспадарання з дапамогай АРІП.
Ініцыятыва Міністэрства юстыцыі аб увядзенні пасрэдніцтва натарыусаў пры рэгістрацыі бізнесу паказала нядрэнныя вынікі. За няпоўны 2018 год каля 260 рэгістрацый былі праведзены пры ўдзеле натарыусаў.
