У Смалявіцкім раёне працягваецца рэспубліканская акцыя «Дзень бяспекі. Увага ўсім!».
«Ветрына бяспекі» ў краме «Доброном» прыцягвала пакупнікоў сваёй яркасцю. Нездарма размясцілася яна прама на століках для інвентарных кошыкаў: наведвальнікі крамы не маглі прайсці міма. А для працаўнікоў Смалявіцкага раённага аддзела па надзвычайных сітуацыях гэта менавіта тое, што трэба. З вялікім задавальненнем пастаянныя кліенты крамы прымалі ўдзел у гутарцы з работнікамі службы выратавання. Дзеці і падлеткі - асабліва!
- Ой, а што гэта ў вас тут? Цікава! - зацікавіўся хлапчук гадоў 11.
- Ідзі раскажу. Цябе як клічуць? - запрасіла да століка адзінаццацігадовага Янку актывіст БМГАВП Анастасія Таболіч. Разам з Янкам мы паразважалі, як будзем дзейнічаць пры пажары ў гандлёвым цэнтры, успомнілі, для чаго патрэбен аўтаномны пажарны апавяшчальнік і як зберагчы свой дом ад пажару. Анастасія пазнаёміла Янку з мабільным дадаткам «МНС Беларусі: дапамога побач»..
- Як вы кажаце? Дапамога побач? Так давайце яго адразу і ўсталюем! - хутка зарыентаваўся Ваня. Праз паўтары хвіліны арсенал прыкладанняў яго мабільніка папоўніўся яшчэ адным, бадай, адным з самых важных.
Веды па бяспецы жыццядзейнасці ў гэты дзень мог асвяжыць кожны. А замацаваць гэтыя веды дапамогуць уручаныя памяткі, буклеты і брашуры.