З 13 па 24 красавіка на тэрыторыі сталічнага рэгіёну праводзіцца акцыя "Дом без гвалту!", якая накіравана на прафілактыку хатняга гвалту, паведамляе прэс-служба УУС Мінскага аблвыканкама.
Падчас правядзення дадзенага мерапрыемства супрацоўнікамі міліцыі будзе ўзмоцнены кантроль у дачыненні да грамадзян, якія ажыццяўляюць гвалт у сям'і. Таксама будуць прымацца дадатковыя меры па абароне асоб сталага ўзросту.
- Кожны дзень у аператыўна-дзяжурныя службы аддзелаў міліцыі вобласці паступаюць шматлікія выклікі на сямейныя скандалы, аднак многія грамадзяне асцерагаюцца звяртацца ў АУС, баючыся яшчэ большай злосці з боку шалапутных дамачадцаў. Практыка паказвае, што наадварот, упэўніўшыся ў сваёй беспакаранасці, дэбашыры наглеюць і ідуць на больш цяжкія злачынствы, - падкрэсліў Андрэй Амбражэй, намеснік начальніка ўпраўлення аховы правапарадку і прафілактыкі УУС Мінаблвыканкама.
Пра факты сямейнага гвалту трэба звяртацца ў органы ўнутраных спраў па тэлефоне 102 або па "гарачай лініі" для пацярпелых ад хатняга гвалту 8-801-100-8-801.
