Больш за 190 дзяржаўных стандартаў (45 СТБ і 149 ДАСТ) прынята ў Беларусі ў першым квартале бягучага года, паведамілі БЕЛТА ў прэс-службе Дзяржаўнага камітэта па стандартызацыі.
З іх з міжнароднымі і еўрапейскімі патрабаваннямі гарманізаваны 126 (33 СТБ і 93 ДАСТ).
Сярод прынятых дакументаў - стандарты на будаўнічыя матэрыялы і вырабы, матэрыялы і вырабы для дарожнага будаўніцтва, сталі, пешаходныя агароджы, сродкі электрасувязі мультысэрвісных сетак.
Пашырыўся комплекс стандартаў, якія садзейнічаюць стварэнню безбар'ернага асяроддзя для людзей з абмежаванымі магчымасцямі. Гэта стандарты на сродкі наземнага абслугоўвання авіяцыйнай тэхнікі, інтэлектуальныя транспартныя сістэмы, патрабаванні да гукавых і тактыльных сігналаў святлафораў і іншае.
Новыя стандарты на ліфты ўстанаўліваюць правілы і метады выпрабаванняў, вымярэнняў і праверак перад уводам і ў час эксплуатацыі, а таксама спецыяльныя патрабаванні да іх бяспекі і вандалаабароненасці.
Прыняты стандарты па частцы экалагічна бяспечнай (у тым ліку біяраскладальнай) упакоўкі і метадаў яе выпрабаванняў. Устаноўлены патрабаванні да ўпакоўкі, недаступнай для адкрывання дзецьмі.
Сярод новых стандартаў таксама СТБ ISO 37001-2020 "Сістэмы менеджменту барацьбы з хабарніцтвам. Патрабаванні і інструкцыя па прымяненні".
Прынятыя дзяржаўныя стандарты будуць уводзіцца на працягу 2020 года і ў пачатку 2021-га.
