На ўборцы ўраджаю вызначыліся тры моладзевыя экіпажы-трохтысячніка, паведамляе Белта са спасылкай на загадчыцу аддзела праектнай дзейнасці Цэнтральнага камітэта БРСМ Аляксандру Лугоўскую.
— На сёння ва ўборачнай кампаніі задзейнічаны 533 моладзевых экіпажа. З іх ужо вызначыліся 278 тысячнікаў, 24 двухтысячнікі і тры трохтысячнікі. Акрамя таго, на ўборцы працуюць 332 маладыя кіроўцы. З іх 217 ужо перавезлі 1 тыс. т і больш намалочанага збожжа, 50 - больш за 2 тыс. т, шэсць - больш за 3 тыс. т і два - больш за 4 тыс. т, - распавяла Аляксандра Лугаўская. - У лідарах - моладзевы экіпаж Леаніда Аляксеенка і Сяргея Каўбасава з СПФ "Заазер'е" ААТ "Віцебскі мясакамбінат", які намалаціў 3860 т збожжа. Сярод маладых вадзіцеляў лепшым з'яўляецца Дзяніс Гнілазуб з ААТ "Гарадзілава" Мінскай вобласці, які перавёз 4120,8 т збожжа.
На палях у кожным рэгіёне ўшаноўваюць маладых лідараў і ўручаюць ім дыпломы і вымпелы. Тэрытарыяльныя арганізацыі БРСМ таксама накіруюць бацькам хлопцаў падзячныя лісты.
