Тэмпература паветра з кожным днём расце. Аднак прыход вясны не падстава аслабляць увагу да захавання правілаў пажарнай бяспекі ў домаўладаннях, так і на прысядзібных участках. У мінулыя выхадныя дні работнікі Смалявіцкага раённага аддзела па надзвычайных сітуацыях правялі рэйд у рамках пажаранебяспечнага перыяду.
Асаблівая ўвага падчас прафілактычнага мерапрыемства была накіравана на захаванне правілаў пажарнай бяспекі пры развядзенні вогнішчаў і спальвання смецця. Спецыялісты МНС строга сачылі за тым, каб навядзенне парадку прайшло бяспечна:
- Самыя галоўныя правілы, - распавёў начальнік Смалявіцкага РАНС Мікалай Навумік, - каб участак спальвання смецця быў абгароджаны - гэта не дазволіць распаўсюдзіцца агню за межы вогнішча. Не забывайце пра першасныя сродкі пажаратушэння: пастаўце побач рыдлёўку, вядро з вадой або вогнетушыцель. Разводзьце вогнішча толькі ў зацішнае надвор'е і ніколі не пакідайце яго без нагляду.
У выпадку невыканання грамадзянамі гэтых правілаў, работнікамі МНС прымаліся меры адміністрацыйнага стрымання, бо такія загаранні, як правіла, адбываюцца менавіта па віне чалавека і могуць не толькі нашкодзіць навакольнаму асяроддзю, але і панесці за сабой не адно падвор'е.
