З пачатку бягучага года на тэрыторыі Смалявіцкага раёна зарэгістраваны 1 выпадак ляснога пажару і 2 выпадкі гарэння тарфянікаў.
Як правіла, пажары ў лесе ўзнікаюць выпадкова, без злога намеру. Людзі ідуць у лес з добрымі намерамі, не жадаючы нашкодзіць, але з-за няўважлівасці і неасцярожнасці ў абыходжанні з агнём, няхай гэта будзе непагашаны недакурак або непатушанае вогнішча, становяцца прычынай узнікнення ляснога пажару.
Каб у экасістэмах не ўзнікалі ўзгарання, не патрабуецца шмат грошай, патрабуецца культура паводзін чалавека ў прыродным асяроддзі. Выхоўвайце гэтую культуру ў сабе, у вашых дзецях, прапагандуйце яе сярод вашых сваякоў, сяброў, калегаў.
Будзьце вельмі асцярожныя з агнём у межах любой прыроднай тэрыторыі. Каб ваша неасцярожнасць не стала прычынай ляснога пажару, выконвайце наступныя правілы:
- ніколі не падпальвайце сухую траву на палях або палянах у лесе;
- ніколі не разводзьце вогнішча ў сухім лесе ці на тарфяніку. Перш за ўсё, пераканайцеся, што вогнішча размяшчаецца на мінеральнай глебе (пяску ці гліне). Перш чым развесці вогнішча зграбіце лясную падсцілку з вогнішча і вакол яе ў радыусе 0,5 метра;
- добра заліце вогнішча перад сыходам. Пасля гэтага разграбіце попел і пераканайцеся, што пад iм не захавалася вуглёў, якiя цьмеюць, калі захаваліся, то заліце яшчэ раз. Не сыходзіце ад залітага вогнішча, пакуль ад яго ідзе дым або пар. Пра тое, чым заліваць вогнішча, паклапаціцеся загадзя;
- ніколі не кідайце непатушаныя запалкі ці цыгарэты, не карыстайцеся ў лесе рознымі піратэхнічнымі вырабамі;
- не заязджайце ў лес на аўтамабілях і асабліва на матацыклах. Іскры з глушыцеля могуць выклікаць пажар, асабліва ў сухім лесе з лішайнікавым покрывам.
Што рабiць пры пажары ў экасістэмах:
- Адчуўшы ў лясным масіве пах дыму, высвятліце, што гарыць, у які бок дзьме вецер, якая небяспека распаўсюджвання пажару, ці ёсць дзеці ў зоне руху агню. Ацаніце сітуацыю – ці варта спрабаваць патушыць агонь сваімі сіламі або лепш паспяшацца за дапамогай, каб не страціць дарма часу і не даць агню набраць сілу. Калі вы выявілі як пачынаецца пажар, напрыклад, невялікі травяны пал або лясная падсцілка, якая цьмее, у кінутага кімсьці вогнішча, паспрабуйце затушыць яго самі. Часам дастаткова проста затаптаць полымя.
- Залівайце агонь вадой з бліжэйшага вадаёма, засыпайце зямлёй. Выкарыстоўвайце для тушэння пучкі галінак ад дрэў лісцяных парод, шчыльную тканіну, мокрую вопратку.
- Патушыўшы невялікі пажар, не сыходзіце да таго часу, пакуль не пераканаецеся, што агонь не разгарыцца зноў. Паведаміце ў лясніцтва або МНС аб месцы і часе пажару, а таксама аб магчымых яго прычынах.
- Калі гарыць тарфяное балота, неадкладна паведаміце пра гэта выратавальнікам, не спрабуйце самі патушыць пажар, абыдзеце яго бокам. Рухайцеся супраць ветру так, каб ён не даганяў вас агнём і дымам, не абцяжарваў арыентаванне, уважліва аглядайце перад сабой дарогу, абмацвайце яе шастом або палкай. Запомніце: пры гарэнні тарфянікаў гарачая зямля і дым, які ідзе з-пад яе, паказваюць, што пажар пайшоў пад зямлю, торф выгарае знутры, утвараючы пустоты, у якія можна праваліцца і згарэць.
Памятаеце, што вашы дзеянні дапамогуць захаваць не толькі навакольнае асяроддзе, жылыя дамы, але і нават і чыёсьці жыццё. Кожны з нас павінен думаць, што ён у адказе за свае ўчынкі. У адваротным выпадку наша бестурботнасць можа прывесці да непапраўных сітуацыях.
